La Encartada Fabrika-Museoa
El Peñueco auzoa 11, Balmaseda
946 800 778
Kontsultatu La Encartada Fabrika-Museoaren jarduerak eta erakusketak
LA ENCARTADA
FABRIKA-MUSEOA
La Encartada Fabrika-Museoak duela 100 urte baino gehiago sortutako fabrika zahar batean sartzeko aukera eskaintzen du. Bertako eraikinak, espazioak eta giroak ez dira birsorkuntza; jatorrizko eraikinak, espazioak eta giroak dira.
Museoak ia ezer aldatu gabe gordetzen ditu jatorrizko makinak eta hornidura mekaniko guztia, eta horregatik da Europa osoko, eta seguruenik, munduko, ehun urtetik gorako ehungintzako bilduma teknologiko onenetako bat. Leku berean dago, fisionomia berarekin, makina eta aparatu berberak ditu. Ez dago horrelako kontserbazio- eta osotasun-maila duen beste ehun urtetik gorako industria-multzorik.
Hemen, iraganerako bidaiak ez du ahaleginik eskatzen.
Aldi baterako erakusketak
Maiatzera arte
Santos López de Letona. Bi munduren artean ehundutako bizitza.
Santos López de Letona y Apoitak (1842-1925), La Encartada SA-ren jatorrizko bost akzioduentako batek, aldaketa handiko garai bateko irakinaldia irudikatzen du. Mexikora emigratu zuen, 1862an, eta euskal diasporaren topikoak zabaldu zituen, bide ausarta gurariaz ehundu baitzuen, Zeanuritik Pueblara eta, bueltan, jaioterrira, Bizkaira, alegia. Bidaldi hartan, zirt edo zarteko inbertitzaile eta enpresaburu bihurtu zen, eta arrasto ahaztezina utzi zuen Atlantikoren bi aldeetan.
Urtarriletik abendura
Bilduma programa: Pieza bat, istorio bat.
Urte osoan zehar, normalean jendeaurrean ez dauden edo bisiten ohiko diskurtsoan parte ez diren gure bildumako piezak erakutsiko ditugu, erakusketa monografiko txikien bidez. Makina txikiak (eta ez hain txikiak), jabeen familiaren objektuak… Bideo batek eta azalpen-panel batek objektu horien funtzioa, ezaugarriak eta garrantzia erakutsiko dituzte, eta lau hilean behin aldatuko dira.
JARDUERAK
Urte osoa
Museoko makinak
Larunbatak txandaka (abuztuan, azaroan eta Gabonetako oporretan izan ezik)
Joaquín Marco Sáenz de Ormijana zaharberritzailearen eskutik, museoko makinak sakon ezagutuko ditugu eta gure bilduma teknologikoko piezak eta elementuak martxan ikusiko ditugu.
Azaroaren 7, 14, 21 eta 28an
Erakustaldien hilabetea
Aurten ere, azaroko larunbatetan, La Encartada Fabrika-Museoko makinak martxan jartzen dira fabrikaren ekoizpen-prozesuak erakusteko. Jardunaldi bakoitzean prozesu bat ezagutaraziko da: ehungintza, akabera, mekanizazioa, etab.
Noviembre
EncartaTeknika
Adituen topaketa, proposatutako gaiari buruzko hausnarketaren gainekoa. Urtero, gai orokor eta interesgarri bati heltzea proposatzen da, eta gai hori garrantzitsua da museo industrialen jarduera egiteko.
Umeentzako eta familientzako jarduerak
Igandeak txandaka 12:00etan
ESKOLA-PROGRAMA
HAUR HEZKUNTZA
Sortu zure ardia
Ardiaren ilea zer den eta zelan erabiltzen den ikasiko dute eta bere ardi txikia egin dute.
Artilearekin jolasean
Koloretako artilea erabiliz, etxera eraman ahal izango den collage dibertigarria egingo dute.
LEHEN HEZKUNTZA
Txiki-ehungailuak:
Fabrikan ehungailu handiak ikusiko dituzten arren, jarduera honetan eskuzko ehungailuekin ehotzen ikasiko dute eta etxera eraman ahal izango diren ehunak egingo dituzte.
Jolastu eta osatu esaldia
4-5 pertsonako taldeetan, bisitaldi gidatuan ikasitako guztiarekin asmakizun bat egitera jolastuko dira. Talde-laneko jarduera dinamikoa.
Ardi azkarrak
Trebetasun eta lankidetza jarduera honetan, egun batez fitxak izango gara taula erraldoi batean. Jokoaren dinamika fabrikarekin lotutako galderei erantzutea izango da, oztopoak gainditu eta erronka bat osatzeko.
HAUR HEZKUNTZA + LEHEN HEZKUNTZA
Gymkana kooperatiboa
Ziklo bakoitzari egokitua. Talde txikietan, elkarlanean, hainbat proba gaindituko dituzte, museoaren barruan eta kanpoan banatutako erronka guztiak osatu arte. Ikasturte amaierako txangoak egiteko jarduera aproposa.
LEHEN HEZKUNTZAKO 3. ZIKLOA + DBH
Berdinak gara?
Lantegia bisitatzen den bitartean, garai ezberdinetako bi langilek (bata 1900an eta bestea 2000. urtean jaiotakoa) beren bizi-esperientziak azalduko dituzte laneko ingurunean. Ondoren, taldeka, emakumeak gizartean duen eginkizunaren bilakaera aztertuko dute.
DBH + BATXILERGOA
Industria-iraultza: La Encartada adibide
Bisitan zehar, lan-koaderno bat osatuko dute, La Encartada Fabrika-Museoan ikus daitezkeen Industria Iraultzaren oinarrizko alderdiak identifikatzeko, hala nola energia-iturriak, asmakizunak, produktibitatearen igoera, lan-baldintzak edo kapitalismoa.
Bisita konbinatua El Pobalekin
El Pobaleko burdinolarekin batera, Erregimen Zaharreko negozio baten eta Industria Iraultzaren beste negozio baterainoko bilakaeraren arteko ezberdintasunak ikusiko dituzte.
ARGITALPENAK
Santos López de Letona. Bi munduren artean ehundutako bizitza.
Lehen hurbilketa Santos López de Letonaren historiara, haren garrantzia bidegabeki zatituta geratu baita bi ertzen artean: bizkaitarra eta mexikarra. Euskal industrializazioaren beste izen handi batzuek ez bezala, López de Letonak ez zuen bi munduren arteko bizitza hori behin betiko lotuko zuen erreferentziazko obrarik. Gainera, gure ustez ezinbestekoa zen berea ez zela banakako abentura bat izan aldarrikatzea, baizik eta bere ibilbidean zehar ondoan zeuzkanekin partekatutako ehuna, hala nola Josefa Gómez Rueda y Castañeda, bere emaztea, funtsezko lotura Pueblan errotzeko, eta saihestezinezko figura bere gizarte-, ekonomia- eta enpresa-gorakadan.
Santimamiñe
Santimamiñe
Ondare Aretoa
Ondare Aretoa
Euskal Herria Museoa
Euskal Herria Museoa
Arrantzaleen Museoa
Arrantzaleen Museoa
Omako Basoa
Omako Basoa
Rekalde Aretoa
Rekalde Aretoa
Txakolin Museoa
Txakolin Museoa
Arkeologia Museoa
Arkeologia Museoa
El Pobaleko Burdinola
El Pobaleko Burdinola
Muñatones Gaztelua
Muñatones Gaztelua
BIZKAIKO FORU MUSEOAK: ARRANTZALEEN MUSEOA · ARKEOLOGIA MUSEOA · REKALDE ARETOA · ONDARE ARETOA · LA ENCARTADA FABRIKA-MUSEOA · EL POBALEKO BURDINOLA · MUÑATONES GAZTELUA · OMAKO BASOA · SANTIMAMIÑE · EUSKAL HERRIA MUSEOA · TXAKOLIN MUSEOA
Bisitatu, galdetu, harritu, begiratu… Zenbat eta gehiago ezagutu Bizkaiko museoak eta enklabeak, orduan eta gehiago ezagutzen duzu zure kultura eta nortasuna.